0

                                           Табысты мектепке жету жолдары.

    Жамбыл облысы  Шу ауданы, Бірлік ауылы Мұхаммед Хайдар Дулати атындағы орта мектебі  директоры Ақмарал Турсынбайқызы 2014 жылы Қазақстан Республикасының жалпы білім  беру ұйымдарының біліктілігін   арттыру бағдарламасын  аяқтаған кейін, мектепті табысты мектеп деңгейіне көтеруді мақсат еттім. Осы бағыттағы жұмысты мектеп әлеуетін зерттеуден бастап, мектептің өзекті проблемасы: балалардың өз болашағына, жетістікке жететіндігіне сенімсіздігі және осы балаларды жетелейтін мұғалімдердің жұмысындағы жүйесіздік екендігін таныдым. Сондықтан ауыл баласының бойында жетістікке жетуге, табысты болатындығына көз жеткізуге бағытталған жұмыс жүйесін құрдым. Мектепті дамытуға арналған  даму жоспары, баланы жетістікке жетелейтін орта құруға, бала бойында өзінің жетістікке жетуіне сенім орнатуға және мұғалімдерден кәсіби құзіреттілігі мықты  команда құруға бағытталды.
     Мектептегі «Өзгеріс тобы» «Дарынды баланы тану және дамыту»бағытындағы жоспары бойынша: 1жылы мектеп мұғалімдерінің кәсіби шеберлігін арттыруға бағытталған ішкі қоғамдастықта үздіксіз білім алуға арналған мектепішілік  курстар ұйымдастырып, тәлімгерлік жүргізілді. «Өзгеріс тобы» барлық  мұғалімдерге кәсіби дамыта келе, мұғалімдердің арасында тұрақты және жағымды өзара қарым қатынас орната келе мектептің кәсіби дамуына ықпал етті. Бұл ішкі қоғамдастықта үздіксіз білім беруде  І,ІІ деңгейлі курс бітірген  мұғалімдердің әлеуеттін пайдаланып, бөлінген көшбасшы идеясы іске асыра келе, мұғалімдердің кәсіби өсуіне қол жеткіздік. Бұл жұмыс әлі де болса өз жалғасын табуда және жаңа деңгейге яғни ,сыртқы қоғамдастықта ықпал ету деңгейіне көтерілді.
      Талантты баланы тану және дамытуға арналған жұмыс жүйесін  І деңгейлі курс бітірген  В.Коротуненко өз  зерттеу сұрағы ретінде белгілеп, «Өзгеріс тобы» мүшелері ІІ деңгейлі курс бітірген әріптестері ТІЖО В.Губайдуллина мен ДҒӘІЖО Ә.Байкуловамен бірлесе отырып, бүкіл мектепті қамтыған жоспарларын іске асыруға жұмылдырылды. Мақсат:баланың бойындағы дарындылықты аша отырып, білім алуға деген талпынысын ашу, өзінің жетістікке жетуге деген сенімін орнату. Осы сенімнің орнауына және баланың дамуына қолдау көрсетуге бағытталған ІІ деңгей курс иегері  ТІЖО В.Губайдуллина  сынып жетекшілерімен ата-аналармен әлеуметтік серіктестік орнатуға бағытталған жұмыс жүйесін жүргізе отырып, дарынды баланың дамуында ата-ананың ықпалын арттырып, ата-анамен мектеп арасындағы ықпалдастықты күшейтті. Баланың ата-анамен  ғылыми жоба  жүргізуде бірлесе зерттеу жүргізуге, өз жобасын іске асыруда қолдау көрсетуге, әртүрлі деңгейдегі  байқауларға қатысуына қолдау жасауына ықпал етті. Бұл бағыттағы жұмыс ата-анамен мектеп арасындағы ықпалдастықты артттыра келе, ынтымақтастықты өзара сыйластықтың орнауына алып келді. Бұл жүйе дарынды оқушылармен  әріптестерінің  жұмыс жүргізуіне  сынып жетекшілерінің көрсеткен үлкен қолдау жұмысы болды.
   ДҒІЖО  Ә.Байкулова екінші бағытта әдістемелік бірлестік жетекшілерімен  бірлескен жұмыс жоспарын жоспарлай келе, мектепте дарынды баланы дамыту ортасын құруға  бағытталған жұмысты атқарды. Бұл жүйеде мектепте әртүрлі тақырыптық интеллектуалды ойындар, шығармашылық байқаулар мен конкурстар, мектепішілік олимпиадалар, «РISA», «ТIMSS», «PIRLS» байқаулар негізіндегі сынамалар, спорттық жарыстар өткізе отырып, мектепті дамыту жоспарын іске асырды. Оқушылар арасында тұрақты  және жағымды өзара қарым қатынасқа әсер ететін факторларды басшылыққа ала отырып, жұмыс істеу нәтижесінде  мектепте дарынды оқушылар саны артты, бала бойында өзінің жетістікке жетемін деген сенім мен  бәсекелестік орнады. Бұның дәлелі мектептің 2015- 2019 жылдар  аралығындағы дарынды оқушылардың  жеткен жетістіктерінің өсу динамикасынан көруге болады.
Аудандық, облыстық, республикалық және халықаралық олимпиадалар мен оқушылардың ғылыми жарыстарының жүлдегер оқушыларының үлесі

 
Мектеп ұжымының бірлесе іс қимыл жасауы, даму жоспарындағы жоспардың іске асуы мектепті 2018-2019 оқу жылының қорытындысымен аудан мектептерінің рейтінгісі бойынша  «Ең үздік мектеп» номинациясы бойынша  4 орынды иеленуі болды. Мектеп өзінің даму жоспарын іске асыруға дейін рейтинг бойынша 37 орынды иеленген еді.
Көшбасшы ретінде мектептің проблемасына ұжымды жұмылдыра отырып, бір бағытта жұмыс жасауға, мектепте кәсіби дамуға  жағымды орта құра отырып,  мектепті табысты мектеп қатарына жеткізуге бағытталған жұмыс жүйесін іске асыра алғаныма дән ризамын. Сондықтан әрбір көшбасшы -мектептің даму жоспарын жасауда, бөлінген көшбасшы идеясын басшылыққа алып, мұғалімдердің кәсіби өсуіне қолдау көрсетіп, бірлесе жұмыс жүргізуге бағыттай отырып, мектепте бала үшін де, мұғалімдер үшін де жағымды орта құруға көңіл бөлуі керек. Бұл іс тәжірбиемізбен облыс көлемінде және аудан көлемінде де іс тәжірбие бөлісу семинарлары өткізілген. Қазіргі күндері республикадағы №27 тірек мектебі ретінде сыртқы қоғамдастықтағы мектептерде ықпалдастық жүргізіп, іс тәжірбие алмасу жүріп отыр.
 

0

6 ақпанда «Ашық есік» күні өткені туралы анықтама

        М.Х.Дулати орта мектебінде тамақтандыру жұмыстарын жетілдіру,тиімді тамақтануды насихаттау мақсатында 2020 жылдың 6- ақпанда «Тиімді тамақтану-денсаулықтың кепілі» атты ашық есік күні өткізілді. Мектепте білім алушыларды тамақтандыруды ұйымдастыруға қойылатын талаптар «Орта білім беру ұйымдарында білім алушыларды тамақтандыру қағидаларына » сай жүргізілуде.

Асхана санитарлық нормаға сай,қазіргі заманғы дизайнмен жабдықталған «Дұрыс тамақтану» бұрышы безендірілген ,асхана қажетті құрылғылармен жабдықталған. Асхана бұрышында оқушылардың тамақ ішу кестесі,комиссия мүшелері тарапынан кезекшілік кестесі ілінген.
Ашық есік күні бір мезгіл ыстық тамақпен қамтылған білім алушыларға беріліп отырған тамақ сапасын бағалау мақсатында өткізілді.Ата-аналар мектеп асханасындағы тамақ түрлерін, тазалығын көріп,өз пікірлерін білдірді. Мектеп медбикесі тез даярланатын тағамдардың кері әсері туралы лездеме өткізіп, оқушыларға тиімді тамақтанудың 12 қағидасын ұстану маңыздылығы туралы ақпараттар берді. Мектептегі тамақты ұйымдастыруға байланысты өткізілген ашық есік күнінің нәтижесінде үйлесімді және дұрыс тамақтану жөнінде ата-аналардың ақпараттық деңгейі артты.Тиімді тамақтану сапалық білім алудың негізі екендігі жөнінде кеңінен насихаттар жүргізілді.

 

 

 

 

0

 «Мектеп асханасы» республикалық акциясы өткізілді.

      Мұхаммед Хайдар Дулати орта мектебінде қаңтар -акпан аралығында «Мектеп асханасы» республикалық акциясы өткізілді. Акция барысында аз қамтылған, көп балалы отбасы балаларына берілетін тегін ыстық тамақтын сапасына мониторинг комиссиясы тарапынан екі рет жүргізілді. Мониторинг комиссия мүшесінің үнемі атқарып отырған жұмысы нәтижесінде, акция барысында сын ескертпелер болған жоқ. Ыстық тамақтың сапасы мен мөлшері ас мәзіріне сай болды. Асхана тазалығы мен қызмет көрсету сапасы жақсы деген баға берілді

 

 

 

0

Мұхаммед Хайдар Дулати орта мектебіндегі ыстық тамақпен қамтылған оқушыларына жүргізілген сауалнама

Сараптамасы

 

Мақсаты:  Окушылардың ыстық тамақ туралы ойларын анықтау

Зерттеудің болжамы: оқушылардың ыстық тамақ жайында өз пікірін айтуға толық жағдай жасау , жағымсыз көзқарастар танытса , оны шешуге көмектесу.

 

 

 

 

0

Республикалық акция барысында өткізілген іс-шаралар

        Мектеп асханасы республикалық акциясы барысында оқушылар арасында семіздіктің алдын алу және дәрумендердің ағзаға пайдасы туралы мағлұмат беру мақсатында ашық тәрбие сағаттары, дөнгелек үстел, пікір сайыс өткізілді.

 «Дұрыс тамақтану арқылы қан қысымының көтерілуінің алдын алу» тақырыбында дөнгелек үстел өткізілді.

 « Минералдар мен дәрумендердің  адам ағзасына әсері » тақырыбында оқушыларға  баяндаманы биология пән мұғалімі Ахаева Ж оқыды.

 «Дұрыс тамақтану пайдасы» тақырыбында сынып сағаттары өткізілді.

 

 

0

Бар жақсылық –балаларға!

   Мұхаммед Хайдар Дулати  атындағы орта мектебінде  "Мектеп асханасы" республикалық акциясы бойынша жүргізілген іс-шаралар қорытындысы мектеп сайтында және әлеуметтік желілерде жарияланды. Жоспарға сәйкес 6 ақпан күні ата-аналарға арналған ашық есік күні өткізілді.Ашық есік күнінде ата-аналар балалардың тамақтарының ұйымдастырылуын бақылады. Ата-аналар тарапынан болған түрлі пікірлерден, тамақтандырудың ұйымдастырылуына көңілдері толатыны анықталды.Бала денсаулығының дұрыс қалыптасуында тамақтанудың мәні зор.Мектеп асханасына күнделікті сараптамалық комиссия бақылау жүргізді.  Бақылау барысында мектеп асханасының санитарлық-гигиеналық жағдайы күнделікті қадағаланып, оқушыларға берілетін тамақтың сапасы тексеріліп тұрды.Жалпы асхананың санитарлық жағдайы, аспаздың сыртқы киім үлгісі,барлық санитарлық талапқа сай. Ыдыстармен қамтылуы және ыдыс жуатын бөлменің жай-күйі: ыдыстар жеткілікті, ыдыс жуатын бөлме таза, әр ыдыс орынды қойылған, ыдыстардың беті жабық тұрады.

     "Мектеп асханасы" республикалық акциясын өткізу мақсатында перспективалық ас мәзіріне сәйкес ыстық тамақтың берілуі, оқушылардың ыстық тамақпен қамтылуы, мектеп асханасының санитарлық жағдайы азық-түліктің сапасы, күнделікті ас мәзірін нормаға сай берілуіне ведомствоаралық сараптамалық комиссия құрылып, бақылау жұмыстары жүргізіліп, жоспар құрылды. Жоспарға сәйкес сараптамалық топ мектеп асханалары жұмысымен танысып, осы саладағы бір қатар өзекті мәселелерді анықтап, бракераж комиссиясының тамақтануға қатысты құжаттарының рәсімделуіне зерделеу жүргізді.Мектеп асханасында "Ас болсын", "Астарыңыз дәмді болсын!", "Салауатты тамақтану", Асхана бұрышында перспективалық және апталық ас мәзірі ілінген. Онда оқушылардың тамақтану кестесі, асхананың жұмыс уақытысы, ауыз су режимінің сақталуы көрсетілген. Қол жуатын орындарында тазалық сақталған. Ата-аналардың шағымдарымен ұсыныстары жазылған журнал жүргізілген.Тамақтың сапасын бақылау мониторинг комиссиясы құрылды. 2019-2020 оқужылында «Білім алушылар мен тәрбиеленушілердің жекелеген санаттарына тегін тамақтандыруды ұсыну» мемлекеттік көрсетілетін қызмет стандарты негізінде 19 бала тегін ыстық тамақпен қамтылды., 1-сыныпта оқитын білім алушылар саны-63 тегін ыстық тамақпен толық қамтылған.Асхананың кезекшілік кестесі құрылып, белгіленген уақыт бойынша білім алушылар уақытында тамақтанады.

 «Мектеп асханасы» республикалық акциясы  аясында мектеп  асханасында, ыстық тамақтың сапасы тексеріліп отырылды. Асхана жұмысының дұрыс ұйымдастырылуын, тамақтың сапасын тексеру үшін жұмысшы (бракераж) және мониторинг комиссиясы құрылып, күн сайын рейдтер жүргізілді. Бракеражды топқа мектеп әкімшілігінен, мектеп медбикесі, әлеуметтік педагог, ата-аналар мүшесі, аспазшы кіргізілген.

       Мектепте аптасына бір рет ата-аналарға арналған ашық есік күндері өткізіледі.Сонымен қатар жоспар бойынша, бір мезгіл ыстық тамақпен қамтылған  оқушылардан «Мектеп асханасы» туралы сауалнама алынады. «Дұрыс тамақтану арқылы қан қысымы көтерілуінің алдын алу», «Тамақтан уланудың алдын алу», «Минералдар мен дәрумендердің ағзаға пайдасы» «Дұрыс тамақтану –денсаулық кепілі»  тақырыбында 1-11 сынып оқушыларына баяндамалар оқылып, дәріс сабақтар өткізілді.

 

 

 

 

 

0

Оқушылардың дұрыс тамақтануы — маңызды мәселе

Мектеп жасындағы балалардың тамақтануында әр мәселенің маңызы бар, себебі балалық шақта адамның ақыл-ойы мен денесінің бүкіл өмірлік қорының іргетасы қалыптасады, ал тағам — бұл үшін қажетті қуат пен заттектердің алынатын жалғыз қайнар көзі. Ұрпағымыздың сау, ақылды және белсенді болып өсуіне көмектесу мақсатында оқушының жасына байланысты физиологиялық қажеттіліктерін қанағаттандыратын дұрыс тамақтануды қалай ұйымдастыруға болады?
Дұрыс тамақтанудың алғашқы ұстанымдарының бірі — тамақтану тәртібін сақтау. Тамақты ұдайы белгіленген бір уақытта ішу қажет. Тамақтану тәртібінің болмауы ас қорыту ағзаларының жұмысын қиындатады.  
Оқушылардың тамақтану тәртібі оқу жүктемесіне, спорт секциялары мен үйірмелерге байланысты.. Қандай жағдайда болсын, 4-5 реттік тамақтану ұсынылады: үш негізгі тамақ ішу (таңғы, түскі және кешкі ас) .Өкінішке қарай, көптеген балалар таңғы асты дұрыс ішпестен, мектепке жүгіріп кетеді. Бұл — тамақтану тәртібінің өрескел бұзылысы, баланың денсаулығына әсер етуімен қатар оның жұмысқа қабілетін де төмендетеді, мектептегі оқу материалын игеруді қиындатады. Таңғы ас күні бойғы сергектікке ықпал етеді. Оқушының таңғы асы жеткілікті тойымды болуы қажет және ірімшік, жұмыртқа тағамдары немесе ботқа ұсынылады. Тамақ ішу аралықтары 2,5-3 сағатты құрауы тиіс.